ما صاح منك ... نص شعري

مــاصاح مـــنك
انـك تنسي الشـــوق الحاصل
وتـبــدا تتابـع سـكـــة ظنك
مــاصاح مـــنك
وانــت الـــعارف
حبك مالي دواخلي وسارف
ولسه بهاتي بأسمك يـومي
وكل ما تغيب انا بسأل عنك
مــاصاح مــنك
ليــه بتـحـاول تقســي عـليا
وتــمنع مـن رويــاك عـيــنيا
وينـا الالــفة الكــانت فـيــكا
والــحــنــية الــفــي عينيكـا
حـقـو تحــاول تعــرف حالــي
وحــقو بــدل مـاتبـعـد مـنــي
انـو تـكـتـر لــي مــن حنـــك
ومــا صاح مــنك
ايــه سويت شــان تزعل مني
ومــن احساسك بي تحرمني
مــافي سبب واحـد لي صدك
خـــلي تكــون انــك ظالـمني
الا تـكــون مــن تاني رجعت
وناوي ليا تقوم علي جنك
اصلي بعرفك وفاهمك جدا
مــن مـا تـكـتر لـي اعزارك
وتابي تأمن قلبي اسرارك
بفهم انو بديت في جنونك
وبرضي بريدك كل ماتقسي
ومــهما تعمــل انا مجنونك
بس يـاسيد ايـامـي الحـلـوة
شيـلا ظنـونــك
وجيب في محلها نغم الريدة
واعــزف لــي وريني فــنونك
سيبني اعيش يابهجة عمري
انــي استـمتع بس بـي فـنك
ومــا صاح مــنك

ود بقروسي

مشكوووووووووووووور يا حمدي يا مبدع
وأهو عملنا ليك منتدي الشعر
ودأ عشان نشوف ابداعاتك
يلا لم العندك كلو وتعال
حبابك

لك الود يا حبوب
ودايرين نشوف منك برضو كمان